نوروز شعری....NEVRUZ ŞİİRİ

نوروز نامه
بایرام گلدی آچدی نوروز چیچگی
دره لرین گؤزهل لندی اتگی
زمان زمان داغلار باغلار گولوری
هئچ کیمسه نین یوخدور غمه گره گی
ربیمیزین محبتی گؤرسه نیر
کیمسه گره ک ایتیرمه یه امه گی
...
نوروز گونی تازالانان گونلردی
خوشلوق آلیب دردی ساتان گونلردی
شادلیقیلان هامی دورار ایاقا
راحاتلیقدا شیرین یاتان گونلردی
محبتین اتگینی توتار کن
دشمنلیقی جاندان آتان گونلردی
...
آما بیزیم مملکت ده کینه وار
چوخ آجیلی کینه ء دیرینه وار
کینلی اولان حاکمیمیز بیلمه دی
تاریخ بویو بیر بؤیوک آئینه وار
دین آدینا کسیر قیریر اؤلدورور
بو ایشلرین چوخ ضرری دینه وار
....
حاکملره دین بیر دکان اولوبدور
خلقیمیزین اوره گی قان اولوبدور
جبین لرینده کی قاشیق یانیغی
تکجه دینه پوزوک نشان اولوبدور
بیلمه دیلر دینین گوللی بستانی
ریالردن بئله تالان اولوبدور
....
اوندا کی دین سیاسته قاریشدی
نفاق قوردی جانیمیزا داریشدی
قوجالارین دینی الینده ن گئتدی
ایمانسیزلیق جوانلارا ساریشدی
نه دین قالدی نه دوز سیاست اولدی
فساد گلدی ظلوموله ن باریشدی
....
ایندی نه مملکت قالیبدیر نه دین
شک دگیشیلدی اولدی عین یقین
دوزلوقلاری الیمیزده ن آلدیلار
محبتی اؤلدوردولر دوغدی کین
ملتی ده آغیر یوخی توتوبدور
بیر آییلین یا ایها المسلمین
.....
من ایسته دیم شادلیغینان باریشام
نوروز گونی نوروز لیقا قاریشام
خونچا خونچا محبتی یوکله یم
عشق اودونا آلولانیب آلیشام
قاقیلداییب گوله م چالام اوینایام
شادلیقلارا خوشلوقلارا چالیشام
....
آما بیزه نوروز لوقدان خبر یوخ
حاکملره انسانلیقدان اثر یوخ
دانیشانی دوشونه نی توتوللار
ملت ایچره اعتراضا هنر یوخ
وافی یه ده آرتیق جرآت قالماییب
بوندان آیری اوره گینده کدر یوخ
....
بایرام گلدی پالتار یوخدر اگنیمده
غم غصه ده ن بوینوم قالدی چیگنیمده
قوهوم قارداش منیم کیمین آجدیلار
دده م ده آج داییم دا آج قئینیمده
شیرنی باها میوه باها ات باها
بو باهالیق فیشقا چالیر بئینیمده
2016/3/21
NEVRUZ ŞİİRİ
Bayram geldi âçdi nevruz çiçegi
Derelerin gözellendi etegi
Zaman zaman dağlar bağlar gülüller
Hiç kimsenin yokdur game geregi
REBBİMİZİN muhebbeti görsenir
Kimse gerek itirmeye emegi
....
Nevruz günü tazlanan günlerdi
Hoşluk âlıp derdi satan günlerdi
Şadlıkıkılan hapi durar eyaga
Ralatlıkda şirin yatan günlerdi
Muhebbetin etegini tutarken
Düşmenlıgı candan âtan günlerdi
.....
Âmma bizim memlekette kine var
Çok âcıli kineye dirşne var
Kinli olan hakimimiz filmedi
Tarih boyu bir boyük âıyne var
Din âdına kesir kırır öldürür
Bu işlerin çok zereri dine var
....
Hakimlere din bir dükan olupdır
Halgımızın yuregi kan olubdır
Cebinlerindeki gaşık yanıği
Tekce dinden pozuk nişan olupdır
Bilmediler dinin güllü bostani
Rıyalerden böyle talan olupdır
.....
Onda ki din sıyasete karışdi
Nifak gurdu canımıza darışdi
Yaşlıların dini elinden gıttı
İmansızlık genclere sarışdi
Ne din galdi ne düz sıya set oldı
Fesad geldi zülümülen barışdi
....
Şimdi ne memleket kalıpdır ne din
Şek degişildi oldu eyn i yegin
Düzluklari elimizden âldılar
Mühebbeti öldürdüler doğdu kin
Milletide âğır uyku tutupdır
Bir âyılın ya eyyühel müslimin
....
Ban istedim şadlıgılan barışam
Nevruz günü nevruzlıka karışam
Honça honça muhebbeti yukleyem
âşk otuna Âlovlanıp âlışam
Gaggıldayıp gülem çalam oynayam
Şadlıklara hoşluklara çalışam
....
Âmma bize  nevruzlukdan haber yok
Hakimlere insanlıktan eser yok
Danışani düşune ni tutullar
Millet içre ııtiraza hüner yok
Vafi ye d ârtık cür at galmayıp
Bundan âyri uyreginde keder yok
....
Bayram geldi paltar yokdur egnimde
Ğam ğusse den boynum kaldi çignimde
kohum kardaş banim gibi âcdılar
âtam da Âc Dayımda âc geynimde
Tatli baha mive baha et baha
Bu bahalık fışka çarır beynimde
Ali vafi