...........قارتال.....
قارتالین
حالی پریشان اولدی
کی
جونلیق گولی تالان اولدی
گوردوکی
وارلیقی اتمامه یتوب
گونشی
طی اولونوب شامه یئتوب
وقتیدور
دنیادان اینی ال اوزه
اولومیله
یئتیشوب اوز به اوزه
ایسته
دی دردینی درمان ائله سین
بو
چتینلیگ لیگیآسان ائله سین
بیر
سحر عزم ائله دی پروازه
تا
مگر ال تاپا گیزلین رازه
سوری
قارتالی گوروب پیتداشدی
بیری
دوردی بیری ویلان قاشدی
چوبان
اولدو اونو گورچه ک نگران
قوزو
نون دالداسینا اولدی روان
بیر
ایلان قیوریلیر اوز دوره سینه
گیردی
کهلیک ده کولون کولگه سینه
اوو
گوروب قارتالی بیرده ن قاشدی
دره
یه ویردی داغا دیرماشدی
قارتالین
آیری خیالی واریدی
اولومون
فیکرینه ناهنجاریدی
اوچوری
بلکه معمانی آچا
گئدیر
آنجاق دویونه چاره ساچا
چاره
تاپماق اولومه ساده دگیور
اولومه
هئچ دیری آماده دیور
یادینا
دوشدی قوجا بیر قارقا
کی
واریدی یوواسی بو آرادا
چوخ
اوشاقلار اونو باسمیشدی داشا
باشی
قویموشدی بلا ایچره باشا
آبرو
اوتوسی یوزده ن ییرتیخ
عمر
ائدوب حد و حسابدان آرتیق
اوزونی
تئز او مکانه یئتیروب
گوردو
قارقانی آغاشدا اوتوروب
دئدی
ای منده ن آجیقلی قارقا
واردی
دردیم گل اونا ایله دوا
دوگونوم
واردی اگر سن آچسان
ائده
ره م هرنه کی وئرسه ن فرمان
قارقا
قارتاله وئرور بویله جواب
کی
بیلیندیرسین اونا اولدی مجاب
سروریم
حکم ائله ایندی من ایچون
تا
کی قربان ائلییوم جان سن ایچون
سنه
من عشقیله خوش ایشله یه ره م
جانیمی
وئرمه ماقی عار بیله ره م
اوزده
بونلاری دئدی لاکن اوزی
لامحال
آیری دی بو امره سوزی
بو
قولی گوجلو ستمگر بو زمان
لاعلاج
لیقدان اولوبدور نالان
آما
غیظ ایله سه بیر لحظه منه
سالاجاقدور
منی درد و محنه
یوخدو
بو دوستلوقا پی اولده ن
وئرمه
ره م احتیاطی من الده ن
سونرا
قارقایه اشارت ائتدی
قانادین
چالدی اوزاقلیق گئتدی
بو
کی امید یولو آنجاق کسیلیب
ایله
دی قارقانی لابد تعقیب
سویله
دی قارقایا-قارتال اوزمان
نئجه
آلماق اولی اولماقدان امان
دوزدو
کی من یاشادیم قدرتیله ن
آما
ایام کئچیر سرعتیله ن
کئچمیشه
م سرعتیلن داغ داشدان
آشدی
عمرون گونو اما باشدان
دنیادان
کیمسه یه دویماق یوخدو
چاره
یوخدور اولومه آخ یوخدی
منه
کی واردی بو حد عزت و جاه
نه
ایچون عمروم اولوبدی کوتاه
سن
کی بیر ذره طرازین یوخدور
منه
سویله نه ده ن عمرون چوخدور
من
آتام اوز آتاسیندان ائشیدور
بیر
قوجا قارقا اوزون عمر ائلییور
مین
کلک ویردی شکار اولماماقا
هئچ زمان
هئچ تله ده قالماماقا
آتام
عمرونده گلیب صرف ائتدی
عمرونی
سوودی جوانکن گئتدی
سون
نفسده سنی گوستردی منه
دئدی
سیر ایله بو چرکین زغنه
بو
همان قارقادی کی سویله میشه م
اوزون
عمرون سنه وصف ایله میشه م
منده
عمروم یئتیشوب اتمامه
سن هله
یئمه میسه ن بیر کامه
عمریوون
سن نه دی گیزلین دلیلی
منه
ده سویله او کسگین دلیلی
دئدی
قارقا اگر آگاه اولاسان
بیر
اشارت ده دلیلین قاناسان
قیسادور
عمروز اگر اولده ن
سیز
اوزوز عمری وئریرسیز الده ن
گویده
اوچماق سیزه هئچ فایداسی یوخ
اوج
ده اوچماقیزین معناسی یوخ
اوچ
یوز ایل خرده آتام عمر ائله دی
چوخ
بیله ن اولدی نصیحت دیله دی
دئدی
یئللر کی افقلرده اسه ر
یتوره
ر هرنفس اعضایه ضرر
هرنه
یئرده ن گئده سن عرشه طرف
اولاجاقسان
ضرر و شره هدف
سن
اوچوب عرش علایه گئدیسه ن
بویله
اولماقه اوزون مشتری سه ن
من
افق شرینی باشدان آتدیم
اودو
کی بیر بئله عمره چاتدیم
قارقانین
رغبتی آلچاقدا اوچار
اونوچون
قارقانین عمری چوخ اولار
بیره
مرداریله قارنیم توخ اولار
مرده خور کیمسه نین عمری چوخ اولار
کرکثافت
سن ایچون درماندی
دردیوین
درمانی چوخ ارزاندی
بوندان
آرتیق افقی سیر ائتمه
بیر
بئله عرش برینه گئتمه
نودانین
آلتی اونه م لی اولادا
بیر
آخار چای کیمی اولماز ابدا
من
کی چوخ علمیله دانش بیله ره م
تانیرام
دام باجانی ایش بیله ره م
باغ
دالیندا منه بیر گستره وار
منه
همدم منه مونس منه یار
ره
به ره سفره دی لذتلی یئماخ
اوردا
کی دادلی یئماق وار نه دئماخ
.............
قارقانین
یوردی پرآفت یئریدی
قوخوموش
بیرجه کثافت یئریدی
پیس
قوخی توتموشودی دور و برین
میغ
میغا میلچه گه اولموشدی قرین
یاندیریردی
گوزی پیس پیس قوخولار
اوککه
سی آغزا گله ن تک ییخیلار
قارقا
بیر سیر ائله دی سفره سینه
انله
نیب باخدی بیر آز دوره سینه
دئدی
بو سفره کی چوخ الواندی
لایق
محضر بو مهماندی
دیوره
م شکر اولا یوخسول بنده
اولمارام
من قوناقا شرمنده
دیوبن
اوتدی کثافت یئماقا
یئماقین
اورگه ده رسمین قوناقا
......
اوسمالرده
وئره ن عمری باشا
نسیمی
له یئتیره ن عمری باشا
داغ –
بولودلار قانادی آلتیندا
جناوارلار
عنادی آلتیندا
هر
زمان شاد گلوبن گئتماقدان
سویدوقی
صیدی شکار ائتماقدان
او
یئیوب کهلیک و درنا اتی نی
او
آلیب ایستی اتین لذتی نی
درس
وئرور ایندی اونا بیر قارقا
کی
یئسین بوللی کثافت بورادا
.....
پیس
قوخی دور و برین توتموشدی
نفسین
پیس قوخودان اوتموشدی
قارتال
اوز حالینه بیرده ن تومدی
بیر
گوزون آچدی او بیرسین یومدی
یادینا
سالدی گئده ن گونلرینی
اوجا
دا اوچمادا بال و پرینی
یادینا
یالدی او فتح و ظفری
قاناد
التینداکی باد سحری
بیرده
او سیر ایله دی دور و برین
گورمه
دی هئچ او وقارین اثرین
اوردا
هر نه واریدی خوارلیقیدی
کرکثافت
لیقی دی دارلیقیدی
قانادین
آچدی گینه عرشه گئده
دئدی
دوستوم منه سن بخشش ائله
یاشا
ایللر بویو باخ اوز ایشیوه
کر
کثافت قالا طاملی دیشیوه
من
بو مهمانلیقا لایق دگیله م
بئله
بیر سفره یه باش اگمه ییره م
گر
اولوم وار من ایچون گویلرده
اولمارام
مردارا یئرده برده
قالخدی
قارتال گویه چوخ شوکتیله ن
قارقا
باخدی اونا چوخ حسرتیله ن
اوج
توتدی اوجالاندی هاوایه
گئتدی
عرشه او دایاندی هاوایه
یئریله
ن فاصله سی چوخ اولدی
بیر
گوزه دگدی سورا یوخ اولدی
بو
شعر دکتر پرویز ناتل خانلری نین (عقاب شعرینده ن) چئوریلیب
............................سوسوز
مارال......................
گوزلریم
منتظر اوره گیم قاندی
الیمده
قلم وار دیلیمده سوزوم
ایستوره
م سوزومی وئره م قلمه
آما
قالماییبدور گوزومده دوزوم
.....
آغلاماق
قویماییر سوزومی یازام
اوره
گین قانیدا گوزومده ن آخیر
کدرلر
ذره جه امان وئرنده
گوزلریم
یوللارا انتظار باخیر
....
ایستوره
م قلمی آتام بیریانا
نیسانلار
بولودی اولام آغلیام
یا
کونول قانینی گوزومده ن توکم
یا
یاری گورماقا امید باغلیام
.......
قلمین
گوزیاشی گوزومده ن آخیر
دیه
سن بیلیری اوز وظیفه سین
اودلی
سوزلریله گلیب میدانا
قانیله
دولدورور غم صحیفه سین
.......
.
دیه
سن ایسته ییربو غملی مکتوب
یازارکن
یازیدا مرادین آلا
وصلته
یتیره آیری دوشه نی
گوروشون
ماراخلی نغمه سین چالا
......
مضرابین
دوداقی سیمه دیه ر کن
آیری
دوشموش ائلی ییغار بیر یئره
محبت
ماهنی سین وفا نغمه سین
بیریئره
ییغارکن دولدورار شئره
........
شعرینده
سسله یه ر اوتای قارداشین
دور
منیم سسیمه سسیوی قالخیز
بسدور
بو آیریلیق بسدور بو تک لیق
سن
اوردا غریب سن من بوردا یالقیز
.......
بو
گئجه بیلمیره م قیامت قوپوپ
یا
خیال قوشودی منی آپاریر
چیخوبدور
قارداشیم غریب لیگینده ن
یالقیزلیک
دوره سی منه قورتاریر
......
یوخ
اومود آغاجیم قورومیوبدور
بیلیره
م چیتداییب چیچک لنه جک
سعادت
هماسی ینه اوچاراق
بیزیم
اولکه میزده گلیب یئنه جک
....
یوخو
بیر قوش اولوب اوچوب گوزیمده ن
خیاللار
شهرینده یاتاق سالیبدی
اوچارکن
یئتیشوب یار دیارینا
یارباغین
گورمه گه رخصت آلیبدی
........
خیاللار
شهری یارین دیاری
نه
گوزه ل سویمه لی یاتاق یئریدی
محبت
ماواسی یارین کناری
عاشقه
قالمالی قوناق یئریدی
......
یارباغین
آلیبدی نغمه لر سسی
نغمه
لر هامیسی محبت یاییر
خیالین
بولبولی یار حضورینا
هجرانین
بیر به بیر دردلرین ساییر
........
آیریلیق
نه چتین بیر امتحاندور
هئچ
کیمسه یاریندان آیری دوشمه سین
ایلاهی
لطف ائله اوزون اماندور
بو
زخمه تاریندان آیری دوشمه سین
......
.
آیریلیق
بیر اوددی اوره گه دوشسه
اود
ویرار اوره گی یاندیرار یاخار
آیریلیق
اودوندا اوره ک شمع اولار
جانینین
مایه سی گوزونده ن آخار
........
آما
یوخ آیریلیق باشا یئتیشوب
نه
دیوار قالیبدی نه قاباق آلان
ایندی
قارداشلارین گوروش وقتیدور
اولوبدور
آیریلیق قصه سی یالان
......
آختاریر
آتالار بالالارینی
باجی
ده تاپاجاق قوچاق قارداشین
بالانی
چکه جک باغرینا آنا
سیله
جک قارداشین یاجی گوزیاشین
......
یالقیزلیک
سیناجاق غربت اوله جک
غم
قاچاق دوشه ر کن شادلیک گله جک
آشنالیق
نسیمی اسه ن گویلره
کیم
دئیه ر آیریلیق یادلیق گله جک
......
یاریم
بوتایدادور یاریم او تایدا
یاری
من یاری او قاریشمالی ییق
بیرلیگین
لذتین تاپماقدان اوتری
کوسولی
اولمادان باریشمالی ییق
.......
ال
اله وئره جک اونلار بیزیله
اگر
اگری فلک گلیب دوز دئسه
شادلیقین
سفره سی آچیلاجاقدور
بیر
پایی منیم دور بیرین او یئسه
.......
بوردا
چشمه چشمه بولاقلاریم وار
اوردا
دا مینلرجه سوسوز مارالیم
بولاقین
داش قومون گوتوره جاغام
یول
سالام اوتایا بودور خیالیم
.......
مکتوبوم
گوزیاشیم قیشقیریق اولوب
سسله
ییر اوتایدا سوسوز مارالی
اولارمی
من جوشقون دنیز بوتایدا
سن
سوسوز قالاسان منده ن آرالی
ا
............مجلس رونقی.......
گوزه لیم ایسته دیگیم سنده دی انکار ائله مه
دانیسان دان منی اما بئله اصرار ائله مه
دئمه م اینجیتمه منی چونکی محال امری دی بو
آما اینجیتمه ماقیلن منی آزارائله مه
بیر گوزونده غضب اولسا او بیری شوق سپیر
سنده آنجاق نظرون وار منه انکار ائله مه
گوروره م آختاریسان مجلس ایچینده منی سن
سن دولاندیر گوزیوی عشقوی اقرار ائله مه
گون کیمی رونق مجلس دی جمالون گوزه لیم
یوزیوه پرده چکیب مجلسیمی تار ائله مه
امتحان ایله منی هرجوره جایز بیلیسن
آما ای جان منی سن رحمه سزاوار ائله مه
وافیا سر نهانون داخی فاش اولدو سنون
نئجه اعلان ایلیوم سریوی اظهار ائله مه
........عزتلی روزگار........
بلبولوم غم یئمه باهار گله جک
آیری قالدون اینان کی یار گله جک
کونولون کدرلی اولماسین داها
قیش دوشوب نفسده ن باهار گله جک
گون یاییلماقدادی باغبانه دئه
گوله عزتلی روزگار گله جک
باهارین بزه گی کامل اولماقا
گوی چمن گوللره هاوار گله جک
هرنه ظلمون سینیر یالان وقاری
او قده ر عدله اعتبار گله جک
سیز محبت گولون ساچین یوللارا
ائویزه سئومه لی نیگار گله جک
کدر اولما اگر یول هامار دگیل
ائل اگر قاخسا یول هامار گله جک
وافی) نون سوزلری حبیبه شیرین
دشمن خلقه زهرمار گله جک
........جنگ......
دور عرصه نی دشمنلره تنگ ایله برادر
جنگ اولدی گولوم عزم تفنگ ایله برادر
میدان گونو کیم ائتسه نظاره اوتوزوبدور
شمشیریوی چه ک عرصه ده جنگ ایله برادر
دشمن سینه سین ییرتسان اگر ایندی روادور
سن بو هنری مثل پلنگ ایله برادر
دور بیر ایاقا نعره چکیب دشمنی قورخوت
چه ک نعره لری دشمنی دنگ ایله برادر
گویلرده اوچوب یئرلره سلطان اولان اوغلان
دریانی گزیب کار نهنگ ایله برادر
توپ گولله سینی گویلره آت یئرلری فتح ائت
دشمنلریوه عرصه نی تنگ ایله برادر
گر اولماسا میهن دئنه جانیم نی یه لازم
دور دشمن ایرانیله جنگ ایله برادر
هرکس بیزه چپ باخسا کور اولسون گوزی باید
دور دشمن ایشین جنگده لنگ ایله برادر
سن دشمنی اولدور یا ویریشماقدا شهید اول
قانیله وطن خاکی نی رنگ ابله برادر
وافی) اوزووی میدانا ویر دشمنی محو ائت
ائوده اوتوروب یازماقی ننگ ایله برادر
...........تک
لیک........
تک لیک منی امانه گتیردی قاچیم هارا
بو غم ویریبدی روحوما میم مین درین یارا
ایندی زمانه داردی منه بیر قفس کیمی
روحوم کلیب بو دار قفس اوغروندا زینهارا
گل یوخ کی منده بلبل اولوب بیر آغیزلانام
یوخ بیر ایشیق باسیبدی منی قورخولی قارا
بیکس-غریب- غصه لی – آواره قالمیشام
هئچ تامیرام بوبوللی مصیبتلره چارا
نه عشق وار نه شوق نه ایستکلی نه امید
من بیلمیره م نه یه دوشوره م گون به گون دارا
آللاه بلاده وئرسه غریب یئرده وئرمه سین
غربتده چوخ چتیندی آدام دوشسه بیر دارا
وافی) وطنده ده اولاسان یارین اولماسا
چاره ن نه دور گره ک قاچاسان اوندا سن هارا
. ...........بو
گئجه..........
بوگئجه گوز یوخونی ساخلامادی
هرنه یالواردیم اونا یوخلامادی
جانیمین فیکر و خیال اوخ آتانی
قالمادی بیر یئری کی اوخلامادی
اولومی آرزولادیم آللاهدان
اجلیمده یئتیشوب حاخلامادی
بو قده ر گزدی خیال بوز قره نی
بیر گوزه لیئرده میخین میخلامادی
بدنیم سیندی ازیلدی بو گئجه
قالمادی کیم منی یومروخلامادی
شیلیکوت جانیمه قیرقین دوشدی
هئچ میتیل بیر بئله ییرتیخلامادی
بختیمین توسنی قولچاق اولالی
منیچون بیر کره سونجوخلامادی
فیکریمه گلدی ناباب فیکر و خیال
بی حیاده بئله سیرتیخلامادی
بیر طرف جنی لرین وسوسه سی
بختیمین ماهینی پارلاخلامادی
بیر طرفده ن یوخودی بیر آدامیم
بوکوله ن قدیمی بیر شاخلامادی
وافی) یه بو گئجه چوخ پیس گئجه دور
هئچ کس اونجا بئله سارساخلامادی
..........گئجه اولدوزی......
گئجه دور هامی یاتیب من هله اولدوز ساییرام
یوخو گلمیر گوزومه تک لیق اودون دا یانیرام
گاه آیا قارشی گئدیب اویناییرام گیزله ن پانج
گاه بولودلارلا گزیب گویلریله ن فیرلانیرام
گیوره م گاه خیاللار قانادین اوچاقیچون
گزیره م دنیانی آما بیلیره م آللانیرام
گاه خیاللار شهه رین فتح ائله یه ن سئوگیمی لن
اوینوروخ-سوزله شیروخ –قیرجانیری-حاللانیرام
بیلیره م گلمه جاق ایسته دیگیم جان پاراسی
تانیرام بختی یاتان
کونلوم واللاه تانیرام
اولان آخر اولاجاقدور کئچه ن آخر کئچه جاق
من عبث فکر ائله ماق مطلبی دیبده ن دانیرام
بیرینه بولگوده شادلیک یئتیشوب درد بیرنه
فلکین قایداسی دور یندی بو امری قانیرام
بو معمانی نه جور حل ائله ییم بیلمه میشه م
دوشموشه م چرخ وفلک دوره سینه فیرلانیرام
وافی )ام ایمانی من کفرده تاپدیم بو گئجه
عشق پاکی اوزومه مصدر ایمان تانیرام
.....ظفر سرودی.......
کفرون ائوین زمانه ده یاندیرماق ایستیره م
ظالملرین بویونلارینی قیرماق ایستوره م
ظلمون بینوره سین داغیدیب عدلی قورماقا
کفرون کوکون بو دنیادا یاندیرماق ایستوره م
بلبل گوله قفسده نه جور سرینی دئسون
من قهریله قفسلری سیندرماق ایستوره م
ناحقلری ییغیشدیرالی حق جلا تاپار
انسانلاری حقوقینه چاتدیرماق ایستوره م
دوز سوزلری بو مکتوبا یازماق زمانی دور
این ده ن بئله یالان یازینی جیرماق ایستوره م
نه قیرمیزی نه آق منه بیر چاره قیلمادی
انسان لواسی توپراقیما ویرماق ایستوره م
سرسام لاریدا ایندی گره ک بیر به بیر داناخ
دوز سوزلری بو ملته قاندیرماق ایستوره م
قارداشی قارداشیندان آییرماق روا دگول
دیوارلارین بئلین داخی سیندیرماق ایستوره م
وافی) آییلدی ملت ایران دو سس یئتور
سویله ظفر سرودینی چالدیرماق ایستوره م
..........باکی سفری........
ائله بیر گلمیشه م اوز وطنیمه
دام دووار گوزومه آشنا گلیر
بیرکرور قارداشیم بیر سری باجیم
منی گوجه ک دورور پئشوازا گلیر
.....
من بورا گلمیشه م مین آرزو ایله
هرنه سوز سویله سه م شهریاریندی
آخی او نیسگسللی
گئتدی دنیادان
آرزو بسله سه م شهریاریندی
.......
بونلاری ذهنیم ده پرده لندیردیم
کی چکه مشعریمه اوخیام سیزه
بیر رویا قالی سین هاوالاتماقا
عشقیله شوقیله توخیام سیزه
......
یئتیشدیم سرحده اوردا اردوچی
ساق سولا دولاندی رشوت ایسته دی
ایسته دیم وئرمه یه م منه گیر وئردی
من ایچون مین جوره تهمت ایسته دی
.....
اوره گیم قان اولدی رشوت وئرماقدان
گاه شیروان گاه مانت گاه دلار وئردیم
پول وئردیم دینمه دیم دئدیم قوی گئچیم
بو حالدا روحوما چوخ آزار وئردیم
......
خوش اولدی شهریار بورا گلمه دی
یوخسا سیز اونو دا توتوب سویاردیز
باکی نی گورمه میش سیز او استادی
مین کره اولده ن حسرت قویاردیز
بو شعر باکی سفرینه یازیلدی
.....قاراباغ شعری.......
من تورکه م بیتمیشه م آذربایجان دا
قول قاناد آچمیشام چوخلو مکاندا
تبریزده باکی دا دنیزلی وان دا
آما کین باغلیوب منه جهاندا
...........................ساغ طرف بیر یاندا سول دا بیر
یاندا
منیم آنا دیلیم دوشوبدور دارا
دوشموشه م دنیادا چوخلی شرارا
شیرینیم آجی دور آغیم دا قارا
دشمنلر سالوبدی منی حصارا
......................ساغ طرف بیریاندا سول دا بیریاندا
دیلیم بیرطرف ده دوشوبدور دارا
خطیم ده ظلومده ن گلیبدور جانا
گاه کریل گاه لاتین گلیر میدانا
بو ایشده دشمنلر گلیر جولانا
......................ساغ طرف بیر یاندا سول دا بیر یاندا
علم اگر ایسته سز منیم دیلیم ده
صنعتی آختارساز منیم الیمده
کیشی لیک توخومی منیم بئلیمده
آما دشمن سالیب نفاق ائلیمده
...................ساغ طرف بیریاندا سول دا بیر یاندا
ایستیوللر دانام بوگون آدیمی
سیندیریر دشمنیم قول قانادیمی
داندیریر بیر به بیر گول اولادیمی
نه تنها قره باغ کی هرزادیمی
.......................ساغ طرف بیریاندا سول دا بیریاندا
بیرگون اولاجاقدور من دوراجاقام
نه قده ر دووار وار سیندیراجاقام
تبریزده ن دنیایا یول سالاجاقام
یاناجاق اوندا کی یاندیراجاقام
........................ساغ طرف بیریاندا سول دا بیر یاندا
آوارا......... ………
نه چیچه ک لریمده ن بیر قوخی قالخیر
نه ده لی گوللریم پرپر اولوللار
چیچه ک لر قوریور آچیلمامیشدان
گوللریم آچما میش بیر بیر سولوللار
....
نه گلیب باشینا بیزیم بستانین
کی باهر گورمه میش پاییزلانیری
قارانلیق باسیبدی بیزیم ملتی
بیرلشمیش اولمادان یالقیرلانیری
......
درد چکدیم دئدیلر کئچمیش اولاجاق
جانیوا بو زهر کئچمیش اولاجاق
آوارا سرگردان دوشدوم چوللره
دئدیله ر بو سفر کئچمیش اولاجاق
.....
گلدیم اسکی شهرین درنقین تاپدیم
نه شاعر نه یازان نه اوزان گوردوم
قاپیسی کاپالی بیر درنقی دی
بیرلشمیش اوداسین پریشان گوردوم
....
.
آما بیرگون اوردا شاعر گوروشدی
بیریسی اسماعیل بیری ذاکردی
ریحانین شعرینده ن قیناقا گلدیم
یونسی تانیدیم بویوک شاعردی
......
اویاندا من تاپدیم ایکی شاعری
بیریسی ابراهیم بیریسی هلیل
بو ایکی شاعری گوردوم سویوندوم
حق سوزی دئماقا ایستهمه ز دلیل
......
بیر گوزه ل شاعرده کوچه ده گوردوم
اردغان آدیندا چوخ فهمی واردور
سسی نی آلیبدی حیدربابانین
اودا اوز کویینده بیر شهریاردی
.....
من واللاه شاعره حرمت قائلم
اما او شاعر کی سوزی سوز اولسون
خلقینین شادلیقین غمین آنلاسین
ملتین حقینده آچیق گوز اولسون
....
منده بیرگون اولدی آچدیم گوزومو
خلقیمین غمی نی دردینی یازدیم
شعریمی پایلاشدیم خلق آراسیندا
اوزومه چوخ درین بیر قبیر قازدیم
.......
خلقیمین دشمنی منی تانیدی
ایسته دی جانیمی زندانا سالسین
منده قاچدیم اونون زور حصاریندان
تا منی توتماقا(دیه رسیز) قالسین
.......
ایندی من یئل اولوب اسیره م آنجاق
هرگون بیر طرفده سحر ائدیره م
بیر یئر تاپمامیشام دینجه ل ماقیچون
بویاندان او یانا خسته گئدیره م
.......
اوتودوم اریدیم آوارالیقدا
اولموشام ایندیجه بیر یانیخلی آه
نه وطن قالیبدی منه نه اودا
هارا گئتمه لی یم بیلمیره م واللاه
......یورلیک.......
نه گوزه ل سویمه لی آشیر شلاله
ایاقی چالیری حیلت نواسی
قاتیشیب بلبلون نغمه لرینه
آخیشی گئدیشی شیرین صداسی
.....
.دوره سین آلیبدی اوجا آغاشلار
دیه سه ن بو سویا قراولدولار
شوکتلی آغاجلارباش اگیر سویا
اولمیه هامیسی قارا قول دولار
......
بیر طرف چیچه ک دور بیر طرف میوه
دیه سن بو مکان باغ جنان دی
جنت ده اولانماز بو یئرده ن آرتیق
نفسی عیسادی (سوباشی) جان دی
......
دیه سن ربیمیز بو جماعته
آچیبدور جنتین گئنیش قاپیسین
اولمیه بهشتی کوچدوروب بورا
وئروبدور بو یئره عیشین هامیسین
....
.
بیریاندا دگیرمان فیرلانیر آنجاق
بیریاندا قیزیل تک بوغدا سره نیر
(یورلیک) ده چالیری وارلیقین سازین
یاشیل لیق گوی کیمی یئرده گوره نیر
......
ایستوره م بو یوردون اسمین دگیشه م
(میحال جیک) دئماق دان جنت سسله یه م
(یورلیکین) چایینا یئنی آد قویام
شوکتلی آخانا عزت بسله یه م
......
ربیمیز سوز وئره ن جنت بوردادی
نه خوش دور بیز گله ک بورا قاتیشاق
یاشایاق بو یئرده جنت آدیله ن
نسیه نی اوتوراق نقده یاپیشاق
......
جنتی بونلارا هدیه وئروبدور
خوش اولسون حالینا بو جمعیتین
سوروشما او تایدا جنت وار یا یوخ
بو تایدا واریزدی بهشت برین
....
......اشیودر اردوسی.....
خبر گلدی اردو قورور اشیودر
شاعرلرین حالین سورور اشیودر
بیرین تانیر بیرن دویور اشیودر
........................من تئز گئتدیم او گزگی یه قاریشدیم
.......................شادلیقیلان کوسولمه دن باریشدیم
شکر آبی) عرابه نی گتیردی
شاعرلری مقصدینه یئتیردی
بو گزگی نی شادلیقیلان بیتیردی
.......................بیزده گئتدوخ گزدوخ چالدوق اوینادوخ
...................... شعر اوخودوخ شوره گلدوخ قاینادوخ
(میحالیج جیک) (یورلیک چایی)(دگیرمان)
(سوباشیندا) قایناخدا آب حیوان
قرآن دیه ن صفالی باغ رضوان
.....................اورا گئده ن بهشتی آنلاییبدور
....................جنتین شوکتین اوردان آلیبدور
شلاله سی شیریل شیریل آخاردور
بولودلاری یاغیش توکه ن یاغاردور
من بیلمه دیم پاییزدی یا باهاردور
.................آنجاق اورا بیر بهشت برین دی
................جانی سیجاق آخار سویی سرین دی
منده گئتدیم شاعرلره قاریشدیم
شلاله تک آخدیم باخدیم ساریشدیم
دگیرمان دا بوغدا اولدوم داریشدیم
..........................جنت ایچره یاشاماقی آنلادیم
......................... بلبل اولدوم چیچه ک لندیم بانلادیم
بوردا گوردوم (اسالمین) آیناسین
(خلخال) یولی آغاشلارون اویناسین
دئدیم سنین بولاقلارون قایناسین
..................هر یئر اولسون یاشیل گوللی آغاشلی
.................دنیا اولسون بیربیرینه هاماشلی
کاشکی بوردا یاشاییشیم اولایدی
بیرجه اودا بیرجه ایشیم اولایدی
یئماق ایچون کسگین دیشیم اولایدی
.................بویله اولسا هر یئر منه جنت دی
................بو سوزمنه اوزون اوزون حسرتدی
بوردا منی گئجه گوندوز غم باسیر
یئنجی لی ره م اوت توتورام دم باسیر
وطن آدی گلنده ماتم باسیر
..............من حسرتم وطنیمی گورماقا
............منتظرم کفنی می گورماقا
ا
آرزوم بودور بیرده گئده م تبریزه
بیر قاتیشام غملی اولان غمسیزه
بیر اوتورام دوسلارینان دیزدیزه
.............دیه م منیم دردیم غمیم وطن دور
...........دنیا بویو همیم غمیم وطن دور
.........
......کوبانی......
حق داردا قالیب کسه رلی فریاد ایستور
بو حربه ده جان وئرمه گه استاد ایستور
ساکت اولالی ظالمه یاردیم اولوروخ
قالخین ایاقا کوبانی امداد ایستور
.........
بهرام اوغلونا اتحاف
ائشیدیم شعرینی بهرام اوغلونون
شعری بیر آچیلان گوللی باهردی
سئچمه دیم بونو من شهریاریله
بیلمه دیم بهرام دور یا شهریار دور
..........مسافر........
گلمیشه م من سیزین
گول دیاریزا
ایندی لیک من سیزین میافریزه م
من مظلوم ایرانین آوارا اوغلی
من دردلی تهرانام غملی تبریزه م
........
دیلیم ده سیزیله بیر اولماسادا
اوره گیم اینامیم سیزیله بیردی
قوغوبلار جانیمی اوز وطنیمده ن
غربت ده غصه ده ن جانیم اسیردی
......
بوراسی چوخ گوزه ل صفالی یئردی
شادلیقلار یاغیری دامدان دوواردان
یایی زی یازی زی اوزوم گورموشه م
امنیت پایلاشیر کوی دان بازار دان
..........
آما من بورادا یالقیز قالمیشام
هئچ کیمسه اولموری منیم یارلیقیم
بیرلشمیش ملت لر حقیمی دانیر
سسیمه سس وئرمیر هئچ چاغیردیقیم
بیریسی آجیندان گئجه یاتموری
ملتجی اولالی بیر دامی یوخدور
بیریسی هسته دور داوا تاپانمیر
بیرینین اوجاقی کئچیب سویوخدور
........
اوتایدا تالاندی وار یوخوم آنجاق
بو تایدا ایش یاساک چالیشماق اولمور
ائویمده اکمک یوخ آجام سانجی یام
بورا دا بیر راحات سو ایشماق اولمور
.......
هاردادور بوشهرین کرملی لری
بوردا کی مراملی انسانلار چوخدی
ملتجی دردینین چتین لیقیندان
بیلیره م چوخونون خبری یوخدوی
.........
هایلیرام سیزلری آغلار گوزیله
تا قانلی یاراما بیر مرهم اولسون
قویمایین بو گوللی چیچه ک لی دیار
منه بیر یاندیران جهنم اولسون
......روزگار.....
گونلریم پیس گئچیر اسکی شهرده
جهنم آتشی باشیما یاغیر
آی اولوم ال ترپه ت یاندیم اودلاندیم
سن منی توپراقا مسافر چاغیر
.........
گوندوزوم قارادور گئجه لر کیمی
نه گونوم خوش گئچیر نه گئجه م واردور
بو قدر وسعتلی سیزین شهه ریز
منه بیر قفسدی اینجه دور داردور
......
شماتت یاغیری کونوشماقوزدان
هرکس بیر سوز دیوب اوت ویریر منه
گوزومون قاشلاری قورومامیشدان
یاندیریر یئنی سوز کونلومی یئنه
.........
گئتمه دیم بو شهرین کلیساسینا
جامی لر یوزومه(گله م سیز) قالدی
عیسالیک یاردیمین قبول ائتمه دیم
محمد امتی کرمسیز قالدی
......
.
نه سیزین ایچیزده بیر کیشی گوردوم
سوروشسون من بوگون اکمک واریم می
هئچ کیشی سورمادی نه یاپیورسان
یا نه جور دولانیر روزگاریم می
........
هانسیزین الیزده بیر اکمک واردور
کی اونی وئره سیز آج قالانلارا
هانسیزین الیز وار محبت ایچون
چکه سیز گوزیاشی قان اولانلارا
.....
ایندی کی بیر اکمک وئره بیلمیسیز
آلمایین الیمده ن یاوان سویومی
قوی فلک قوروتسون ظالم الیله ن
آز قالمیش قورتارمیش بو جان سویومی
........
ایاقیم سینایدی بورا گلنده
نئجه کی سینیبدی قولوم قانادیم
نفرین لیک یوخ سوزوم ظالم فلکه
سوزومده هامی یه دعا قوزادیم
.
آللاهدان ایسته ره م سلامت قالین
غربته دوشمه یین دردی آنمایین
آما آی قارداشلار آللاها خاطر
غربتین.یوخسولون. دردین دانمایین
........سوما........
دئه گوروم نه چکدین کومور گوروندا
بئله غملی یاتان هرگز آییلماز
سوز بودور هر گله ن بیرگون گئده جک
آما بیله گئتماق اولوم ساییلماز
......
سن منیم قهرمان وطنداشیم سان
سن منیم قیشیما سیجاق گتوردون
تندیرلر آتشی سنده ن کوللاندی
سن منیم سفره مه اکمک یئتیردون
.........
سن گئتدون جوجوقلار گوزلری قاندور
آنامین گوزوده قاپیدا قالیب
سن سئوه ن یئمه گی آنا پیشیروب
گل آنام محترم بیر سفره سالیب
........
گل آتا بکله ییر اوره گیم سنی
گل سنون سینه ن ده بیر کره اویوم
گل منی بیر دیندیر بیرآز تومارلا
سینه وین اوستونده بیرآز یوخلاییم
...
.
بیرعمور چالیشدین من راحت اولام
سن منه کومورده ناکمک چیخارتدون
ایندی سن هارداسان گوزوم یولدادور
نه اولدو سن منی گوزونده ن آتدین
......
چالیشدین ایشینده جان قویدون آتا
بو سویوق توپراقین آلتیندا یاتدین
یات بابا راحات یات من سنه قربان
سن ده راحت لیقا توپراقدا چاتدین
........
سن آدین گله جک افسانه لرده
آلاجاق اسمی وی هرنه قولاق وار
آدیوی دیه جک تاریخ بویوندا
هر کیمسه ائوینده سیجاق اجاق وار
......
مین لعنت صنعته داها نه دییم
آتانی بالادان آیری سالیبدی
بو دین سیز ایمان سیز امپریالیست لیک
اوچ یوز معدنچی نین جانین آلیبدی.
مین لعنت اوخیاق امپریالیسته
هر ایشی آلیبدی ظالم الینه
دانیشماق اولموری بو ظلوم لرده ن
ویریبدور ایشچی نین دیلینه قفیل
.
.....غزه........
گویده ن آتیش یاغیر یئر قانلی توپراق
بولاقلار قان اولوب یئل آلوو تپیر
دورد عنصر غزه ده ال اله وئروب
یاندیریر – سیندیریر- چکیر خفه لیر
......
اژدها موسانین الینده ن چیخیب
دوشوبدور غزه نین یازیق جانینا
داوودین اولدوزی اوخا دونوبدور
تاخیلیر بو شهرین هر بیر یانینا
........
دیه سن طیاره اولوم داشی ییر
آپاریب توکوری خلقین باشینا
باخماییر یتیم دور یا اوغولسوز دور
یا بیر یاسلی واردور جان قارداشینا
.........
نه قده ر بو ظالم اولدوره جاقدیر
هامی دا دنیادا دوروب باخاجاق
کور بومبا یاغاجاق گویده ن غزه یه
مظلوم انسانلارین جانین آلاجاق
.......
.
غزه نی غم باسدی بیر کیمسه یوخدور
بو غملی شهه رین دادینا چاتسین
بیرلشمیش ملت لر قاباقا دوشمور
بو اوتون آلوسین بیرآز آزاتسین
........
ائوینده خوشلوقلا اوتوران کیمسه
بو اوتون یاندیرماق یانقی سین بیلمه ز
نه بیلسین او غمسیز راحات یاشایان
بو آخان قانلاری گوز یاشی سیلمه ز
.......
کاش بو قان گونونده بیری تاپیلسین
بو اوتون بو کوزون یانقی سین بیلسین
الینی اوزاتسین غزه یه طرف
قان آخان گوزلرین گوزیاشین سیلسین
....
. ......راسیم
کوراوغلو......
سوزوم وار سنیله راسیم کوراوغلو
سن شعرین شهرینده پارلاق گون اولدون
گوندوزی گونشی شهه رده یایدین
اما ایندی اوزون گل ایدون سولدون
.........
سن میندون بیر عمور شعرین قیرآتین
کوراوغلو اولار کن شعر میدانیندا
ظالملر شعرونده امان تاپمادی
آزادلیق پایلاشدین شعر دیوانیندا
.......
سن یازدین شعریوی هجو عالمینده
گولدوردون بولدوردون آندیردین خلقی
آما تا گلدی اولوم خبرین
بو آجی خبرله یاندیردین خلقی
........
گولدورمه ک چتین دور آغلاتماق آسان
ملتی گولدورمه ک بیوک هنردی
چوخ بیوک ثوابدی خلقی گولدورمه ک
هجیو ده سوز
یازسان او سوز کسه ردی
...
.
سن گئتدون دوستلاری هجرانا سالدین
گره ک دور بو غمده بیزده آغلیاق
آما بو اولماقلار هامی یه واردور
آللاهین اذنینه کونول باغلیاق
....
محرم آییندا سن هسته گئتدون
ایندی گئت جنتین شوکتین بولدور
اوردا دا شعر اوخو یئنی معنا دا
جنتده یاشایان ملتی گولدور
