گؤرؤش
..
رحمت لیک استاد صحاف شاعره اتحاف
..
هرکسین وارسا حسین سوداسی
اولاجاق باغ جنان مآواسی
آدی البته تولایه قرین
اؤزی سر دفتر جنات برین
او شفاعت ائده محشرده اگر
سؤندوره ر خالقی نیراندا شرر
او دور آزاده لرین سروقدی
آدی حریته مهر ابدی
اولا هر کیمسه اگر آزاده
ظالم اوغروندا گله ر فریاده
ظالمیله ائده هرکس پیکار
ائده جک نام حسینی تکرار
دؤزدور آزاده لیقین حرمتی وار
حق یولوندا گئده نین حرمتی وار
تاپا آزاده ولی هر نه بها
اولماز اصلا او حسینه همتا
او رسول اللاه ذریه سی دیر
سورۀ دین حقین آیه سی دیر
آتاسی شیر خدا مظهر حق
آناسی زادۀ پیغمبر حق
قارداشی مظهر مظلومیت
باجیسی ناطق والا همت
گر اونون محفلینه یول سالاسان
ایکی دنیاده مرادین آلاسان
....
سنه بیر تازه روایت دیوره م
بیر حقیقتلی حکایت دیوره م
عشقیله سن بو مناده سیر ائت
گؤزون آچ سنده حقیقت یولی گئت
واریدی بیر قوجامان مرد ادیب
اؤزی استاد سخن پیر خطیب
هم هنر صاحبی هم اهل قلم
قلمی ویردی هنرلرده رقم
هنرین وقف ائله میش دیر دینه
دینه اولموشدی گؤزه ل آیینه
هنری جلوآ اون دؤرد معصوم
اؤزی آشفتۀ شاه مظلوم
بیر عمؤر آل عبانی چاغیریب
عترت پاک کسانی چاغیریب
گلشن عشقده مین مین گول اکیب
یار یؤزون شعریده تصویره چکیب
بئله بیر صاحب اوصاف و هنر
آلیری گوش دلی بانگ سفر
اؤزی بیر فاضل و عالم انسان
بیلیری فلسفۀ (الرحمان)
اوخیوب (کل من) ین آیه سی نی
گؤرؤری باشدا اؤلوم سایه سی نی
حکم اللاهی سعادت بیلیری
اؤلؤمی چرخش نوبت بیلیری
باشلاییر ذکر شهادت او ادیب
سؤیله ییر ذکرینی بی شبهه و ریب
دیور آللاه تعالی بیردیر
یئرده ده گؤیده او حاضردیر
احمد مصطفی پیغمبری دیر
هر گناهدان او رسولی بری دیر
اولین میر امامت دیر علی
علی دیر دنیادا آللاهه ولی
فاطمه مظهر انسانیت
منشآ و مصدر حقانیت
بشر ایچره او خانم بی همتا
عملی مظهر صبر و تقوا
حسنه ایلوره م اعزاز تمام
کی اودور شیعه یه حرمتلی امام
ساکت اولموش داها اول مرد خدا
دئمه ییر نام حسینی اصلا
دئدیله ر سسله حسینون آدینی
بیر چاغیر فاطمه نین اولادینی
او ادب اهلی باخیر اولادینا
محو اولور بیرده حسینون آدینا
وئریر اولادینه البته جواب
کی او جمعین اولوری کؤنلی کباب
دئدی او ایندی حسینی چاغیرام
عشقه توهین دی حسینی چاغیرام
اونی من عمر بؤیی سسله میشه م
من محبت گؤلومی بسله میشه م
تا چکه م شعره حسینین عملین
او عمل کی اولونوب پایۀ دین
گئتمیشه م کربوبلاده جنگه
گلمیشه م شمرین الینده ن تنگه
تا حسینین بالاسی تشنه اولوب
دوداقیم تشنه لیقیندان قوریوب
تا کی عباسین الی اولدی قلم
آغلادی اول غمه مین دفعه قلم
ییخیلاندا یئره دینین علمی
آتمیشام مین کره الده ن قلمی
اوندا کی اصغر اولوب تیره نشان
تاخیلیب دیر بوغازیمدان پیکان
اکبر و قاسمه من آغلامیشام
مین اوره ک داغلارینا داغلامیشام
آنمیشام زینبینین خطبه سی نی
آلمیشام شیرزنین حق سسینی
زین العبادیله اولموشدوم اسیر
هله جانیم او جفالرده ن اسیر
کربلاده ن شاما لؤت ناقه مینیب
اولموشام تابع تصمیم حبیب
خولی نین ظلمونه من آغلامیشام
من تنور ایچره اوره ک باغلامیشام
گؤرموشه م من اسرا ناقه سینی
آلمیشام نازلی رقیه سسینی
من یتیمه بالایا آغلامیشام
هله ده شامه اؤره ک باغلامیشام
الغرض تا کی او جمعه قاریشیم
(کسیلیب یئتمیش ایکی دفعه باشیم)
ایندی تا گلمه یه اول میر ادب
آچمارام من ابدا لبده ن لب
وقتیدور ایندی او دیداره گله
عشقیمین غنچه لری باره گله
یا بوگون عشقین اودوندا یانارام
یا داها عشق و ولانی دانارام
یا گره ک اولمایا دنیاده ولا
یا گره ک مز ائلیه یار جفا
یا حسین ایندی جه دیداره گله ر
یا بو عاشق دوروب انکاره گله ر
یا کی بیهوده دی مهر شه دین
یا گره ک ایندی ویرا مهر یقین
....
بو سؤزیله هامینی داغلادی او
گؤزلرین یومدی یاواش آغلادی او
تا کی گؤز یاشی سرازیر اولدی
نوبت چرخش تقدیر اولدی
هامی بو مطلبه حیران اولدی
هامی نین حالی پریشان اولدی
حیرته دؤشدولر اول جمع غمین
عرصه یه گلدیله شکیله یقین
هامی نین گؤزلری اولدی نگران
ائو اولوب جبهۀ کفر و ایمان
بیرطرف وسوسۀ شیطاندی
شیطانین توؤلاماسی آساندی
بیرطرفده بؤزؤشوب مهر و ولا
قالمیوب کیمسه ده رغبت گویا
ناگهان خالق عشق و ایمان
ایله ییر قدرت ایمانی عیان
قالخوری پیر سخن بسترده ن
قورتاریر عشق و ولانی شرده ن
باخیری قبله یه با دیدۀ جان
ایله ییر هامی نی بیرده ن حیران
سؤیله ییر با همه اعزاز تمام
یا حسین ابن علی شانلی سلام
بونی آنجاق دیور اول مرد سخن
ایلیور روحی او دم ترک بدن
هامی نین شبهه سی ایمانه دؤنؤر
شک چؤنؤر جمعده برهانه دؤنؤر
شیطانین لشکری تسلیم اولوری
ایمانین خدشه سی ترمیم اولوری
اشک شوقیله جماعت گریان
هامیسی نشئۀ جام ایمان
..
وافی جان عشقه یقینون اولسون
سعی ائله دنیادا دینون اولسون
ایسته ییرسن کی سعادت تاپاسان
یا کلید در جنت تاپاسان
کؤنؤلونده گل ایمان بسله
دنیادا بیرجه حسینی سسله
بهار 1369
کرج
..
رحمت لیک استاد صحاف شاعره اتحاف
..
هرکسین وارسا حسین سوداسی
اولاجاق باغ جنان مآواسی
آدی البته تولایه قرین
اؤزی سر دفتر جنات برین
او شفاعت ائده محشرده اگر
سؤندوره ر خالقی نیراندا شرر
او دور آزاده لرین سروقدی
آدی حریته مهر ابدی
اولا هر کیمسه اگر آزاده
ظالم اوغروندا گله ر فریاده
ظالمیله ائده هرکس پیکار
ائده جک نام حسینی تکرار
دؤزدور آزاده لیقین حرمتی وار
حق یولوندا گئده نین حرمتی وار
تاپا آزاده ولی هر نه بها
اولماز اصلا او حسینه همتا
او رسول اللاه ذریه سی دیر
سورۀ دین حقین آیه سی دیر
آتاسی شیر خدا مظهر حق
آناسی زادۀ پیغمبر حق
قارداشی مظهر مظلومیت
باجیسی ناطق والا همت
گر اونون محفلینه یول سالاسان
ایکی دنیاده مرادین آلاسان
....
سنه بیر تازه روایت دیوره م
بیر حقیقتلی حکایت دیوره م
عشقیله سن بو مناده سیر ائت
گؤزون آچ سنده حقیقت یولی گئت
واریدی بیر قوجامان مرد ادیب
اؤزی استاد سخن پیر خطیب
هم هنر صاحبی هم اهل قلم
قلمی ویردی هنرلرده رقم
هنرین وقف ائله میش دیر دینه
دینه اولموشدی گؤزه ل آیینه
هنری جلوآ اون دؤرد معصوم
اؤزی آشفتۀ شاه مظلوم
بیر عمؤر آل عبانی چاغیریب
عترت پاک کسانی چاغیریب
گلشن عشقده مین مین گول اکیب
یار یؤزون شعریده تصویره چکیب
بئله بیر صاحب اوصاف و هنر
آلیری گوش دلی بانگ سفر
اؤزی بیر فاضل و عالم انسان
بیلیری فلسفۀ (الرحمان)
اوخیوب (کل من) ین آیه سی نی
گؤرؤری باشدا اؤلوم سایه سی نی
حکم اللاهی سعادت بیلیری
اؤلؤمی چرخش نوبت بیلیری
باشلاییر ذکر شهادت او ادیب
سؤیله ییر ذکرینی بی شبهه و ریب
دیور آللاه تعالی بیردیر
یئرده ده گؤیده او حاضردیر
احمد مصطفی پیغمبری دیر
هر گناهدان او رسولی بری دیر
اولین میر امامت دیر علی
علی دیر دنیادا آللاهه ولی
فاطمه مظهر انسانیت
منشآ و مصدر حقانیت
بشر ایچره او خانم بی همتا
عملی مظهر صبر و تقوا
حسنه ایلوره م اعزاز تمام
کی اودور شیعه یه حرمتلی امام
ساکت اولموش داها اول مرد خدا
دئمه ییر نام حسینی اصلا
دئدیله ر سسله حسینون آدینی
بیر چاغیر فاطمه نین اولادینی
او ادب اهلی باخیر اولادینا
محو اولور بیرده حسینون آدینا
وئریر اولادینه البته جواب
کی او جمعین اولوری کؤنلی کباب
دئدی او ایندی حسینی چاغیرام
عشقه توهین دی حسینی چاغیرام
اونی من عمر بؤیی سسله میشه م
من محبت گؤلومی بسله میشه م
تا چکه م شعره حسینین عملین
او عمل کی اولونوب پایۀ دین
گئتمیشه م کربوبلاده جنگه
گلمیشه م شمرین الینده ن تنگه
تا حسینین بالاسی تشنه اولوب
دوداقیم تشنه لیقیندان قوریوب
تا کی عباسین الی اولدی قلم
آغلادی اول غمه مین دفعه قلم
ییخیلاندا یئره دینین علمی
آتمیشام مین کره الده ن قلمی
اوندا کی اصغر اولوب تیره نشان
تاخیلیب دیر بوغازیمدان پیکان
اکبر و قاسمه من آغلامیشام
مین اوره ک داغلارینا داغلامیشام
آنمیشام زینبینین خطبه سی نی
آلمیشام شیرزنین حق سسینی
زین العبادیله اولموشدوم اسیر
هله جانیم او جفالرده ن اسیر
کربلاده ن شاما لؤت ناقه مینیب
اولموشام تابع تصمیم حبیب
خولی نین ظلمونه من آغلامیشام
من تنور ایچره اوره ک باغلامیشام
گؤرموشه م من اسرا ناقه سینی
آلمیشام نازلی رقیه سسینی
من یتیمه بالایا آغلامیشام
هله ده شامه اؤره ک باغلامیشام
الغرض تا کی او جمعه قاریشیم
(کسیلیب یئتمیش ایکی دفعه باشیم)
ایندی تا گلمه یه اول میر ادب
آچمارام من ابدا لبده ن لب
وقتیدور ایندی او دیداره گله
عشقیمین غنچه لری باره گله
یا بوگون عشقین اودوندا یانارام
یا داها عشق و ولانی دانارام
یا گره ک اولمایا دنیاده ولا
یا گره ک مز ائلیه یار جفا
یا حسین ایندی جه دیداره گله ر
یا بو عاشق دوروب انکاره گله ر
یا کی بیهوده دی مهر شه دین
یا گره ک ایندی ویرا مهر یقین
....
بو سؤزیله هامینی داغلادی او
گؤزلرین یومدی یاواش آغلادی او
تا کی گؤز یاشی سرازیر اولدی
نوبت چرخش تقدیر اولدی
هامی بو مطلبه حیران اولدی
هامی نین حالی پریشان اولدی
حیرته دؤشدولر اول جمع غمین
عرصه یه گلدیله شکیله یقین
هامی نین گؤزلری اولدی نگران
ائو اولوب جبهۀ کفر و ایمان
بیرطرف وسوسۀ شیطاندی
شیطانین توؤلاماسی آساندی
بیرطرفده بؤزؤشوب مهر و ولا
قالمیوب کیمسه ده رغبت گویا
ناگهان خالق عشق و ایمان
ایله ییر قدرت ایمانی عیان
قالخوری پیر سخن بسترده ن
قورتاریر عشق و ولانی شرده ن
باخیری قبله یه با دیدۀ جان
ایله ییر هامی نی بیرده ن حیران
سؤیله ییر با همه اعزاز تمام
یا حسین ابن علی شانلی سلام
بونی آنجاق دیور اول مرد سخن
ایلیور روحی او دم ترک بدن
هامی نین شبهه سی ایمانه دؤنؤر
شک چؤنؤر جمعده برهانه دؤنؤر
شیطانین لشکری تسلیم اولوری
ایمانین خدشه سی ترمیم اولوری
اشک شوقیله جماعت گریان
هامیسی نشئۀ جام ایمان
..
وافی جان عشقه یقینون اولسون
سعی ائله دنیادا دینون اولسون
ایسته ییرسن کی سعادت تاپاسان
یا کلید در جنت تاپاسان
کؤنؤلونده گل ایمان بسله
دنیادا بیرجه حسینی سسله
بهار 1369
کرج
هیچ نظری موجود نیست:
ارسال یک نظر