https://www.facebook.com/ali.vafi.9/posts/514365558774239
..
.
..
.
قربانلیق اتی
...
گؤزلریم قاپی یه آسیلی قالیب
قربانلیق کسن لر ایندی گلرلر
بو گؤزل بایرامدا خیرات گونونده
گؤزومون انتظار توزون سیلرلر
...
نه گؤزل قایدادی قربان بایرامی
یوخسولون ائوینه زنگین گله جک
آجلارین ائوینه بیر پای گتیریب
یتیمین گؤزونون یاشین سیله جک
....
من کئچه ن بایرامدان ات یئمه میشه م
گؤزلزیم گؤزله ییر قاپیم آچیلسین
گوزلوره م بیریسی قاپیمی دؤیسون
منه بیر انلی بود یا دؤش گتیرسین
...
اوره گیم بیر یاغلی ات پایی ایستیر
کی اونلا بیر ایلین آجیسین سیله م
اوشاقیم ات یئه سین اوزی بیر گولسون
من باخیب انله نیم من ده بیر گولوم
....
قربانلیق اتی نی تئز چکه م شیشه
دادینی دوزونی خوش عیارلایام
بیر بارداق ایراندا نسیه آلام
توشونی دادار کن سوغانی سویام
...
بو حالدا اوجادان قاپی دؤیولدی
دئدیم بس یئتیشدی قربانلیق اتی
آی خانم تئز ترپش سفره میزی آچ
آنباردان پاسلانمیش شیش لری گتی
..
آیاخلین پله ده ن یئندیم اشاقی
شوقیله ذوقیله قاپینی آچدیم
بیر صحنه گؤردوم کی رنگیم سارالدی
دیه سن جنت دن آتشه قاچدیم
...
جوجوقلار دورموشدی قاپی دالیندا
هر بیری اؤزونه بایراملیق اسیتیر
هرکسین الینده بیر نایلون پاکات
گگره ک دیر وئره سن هدیه بیر به بیر
....
آخسیا آخسیا قاییتدیم ائوه
اویانا بویانا حسرتلی باخدیم
نه پول وار نه شیرنی منیم ائویمده
یوخسوللوق دردینه من یاندیم یاخدیم
...
من بیرده ن طاقچادا قندانی گؤردوم
هله ده ایچینده بیرآز قند واردیر
آبرومی باغلادیم او نئچه قنده
او قندان دییری بیر گوجلی یاردیر
...
قندلری من آتدیم نایلون لارینا
اوشاقلار شوقیله یولا دوشدولر
اوشاقا فرق ائتمه ز سن نه وئریرسن
وئردیقین قیزیلدان یا گوموشدولر
...
قربانلیق اتینده ن خبر اولمادی
اومودیم کسیلدی قربان اتینده ن
دیه سن زنگین لر پیچاقلاریله
مین تیکه کسیلدی ایمان اتین ده ن
....
بو قدر قربان دا قربان کسدیلر
بو احسان بو ات لر یارب کیمین دیر
اولمایا دین کؤچوپ ریا شهرینه
قربانلیق اتی ده زنگین لرین دیر
....
اوشاقلار باخیردی منیم الیمه
بیر به بیر سوردولار قربانلیق هانی
قیریلدیم بیلمه دیم نه جواب وئریم
یوخسوللوق البته قیرار انسانی
...
آما من غصه دن پوزولموشودوم
یوز به یوز اونلارا یانلیش گولوردوم
دردیمی گیزلتدیم اوشاقلاریمدان
باطن ده غصه دن من اؤزؤلوردؤم
...
بیر غملی باخارکن خانیما دئدیم
دور خانیم مرجیمک شورباسین گتیر
بیرآز دا (اون) وارمیش اونو وئر یاپیم
بایرامدیر اونو دا بیر شیرنی پیشیر
....
رمضان طبیلی سسه دوشموشدور
دئدیلر اوامایا داربی اولوبدور
دئدیم کی داربی نین قولو قانادی
منیم بختیم تکین کؤکده ن سولوبدور
علیرضا پوربزرگ وافی
2016/9/15
ترکیه
...
گؤزلریم قاپی یه آسیلی قالیب
قربانلیق کسن لر ایندی گلرلر
بو گؤزل بایرامدا خیرات گونونده
گؤزومون انتظار توزون سیلرلر
...
نه گؤزل قایدادی قربان بایرامی
یوخسولون ائوینه زنگین گله جک
آجلارین ائوینه بیر پای گتیریب
یتیمین گؤزونون یاشین سیله جک
....
من کئچه ن بایرامدان ات یئمه میشه م
گؤزلزیم گؤزله ییر قاپیم آچیلسین
گوزلوره م بیریسی قاپیمی دؤیسون
منه بیر انلی بود یا دؤش گتیرسین
...
اوره گیم بیر یاغلی ات پایی ایستیر
کی اونلا بیر ایلین آجیسین سیله م
اوشاقیم ات یئه سین اوزی بیر گولسون
من باخیب انله نیم من ده بیر گولوم
....
قربانلیق اتی نی تئز چکه م شیشه
دادینی دوزونی خوش عیارلایام
بیر بارداق ایراندا نسیه آلام
توشونی دادار کن سوغانی سویام
...
بو حالدا اوجادان قاپی دؤیولدی
دئدیم بس یئتیشدی قربانلیق اتی
آی خانم تئز ترپش سفره میزی آچ
آنباردان پاسلانمیش شیش لری گتی
..
آیاخلین پله ده ن یئندیم اشاقی
شوقیله ذوقیله قاپینی آچدیم
بیر صحنه گؤردوم کی رنگیم سارالدی
دیه سن جنت دن آتشه قاچدیم
...
جوجوقلار دورموشدی قاپی دالیندا
هر بیری اؤزونه بایراملیق اسیتیر
هرکسین الینده بیر نایلون پاکات
گگره ک دیر وئره سن هدیه بیر به بیر
....
آخسیا آخسیا قاییتدیم ائوه
اویانا بویانا حسرتلی باخدیم
نه پول وار نه شیرنی منیم ائویمده
یوخسوللوق دردینه من یاندیم یاخدیم
...
من بیرده ن طاقچادا قندانی گؤردوم
هله ده ایچینده بیرآز قند واردیر
آبرومی باغلادیم او نئچه قنده
او قندان دییری بیر گوجلی یاردیر
...
قندلری من آتدیم نایلون لارینا
اوشاقلار شوقیله یولا دوشدولر
اوشاقا فرق ائتمه ز سن نه وئریرسن
وئردیقین قیزیلدان یا گوموشدولر
...
قربانلیق اتینده ن خبر اولمادی
اومودیم کسیلدی قربان اتینده ن
دیه سن زنگین لر پیچاقلاریله
مین تیکه کسیلدی ایمان اتین ده ن
....
بو قدر قربان دا قربان کسدیلر
بو احسان بو ات لر یارب کیمین دیر
اولمایا دین کؤچوپ ریا شهرینه
قربانلیق اتی ده زنگین لرین دیر
....
اوشاقلار باخیردی منیم الیمه
بیر به بیر سوردولار قربانلیق هانی
قیریلدیم بیلمه دیم نه جواب وئریم
یوخسوللوق البته قیرار انسانی
...
آما من غصه دن پوزولموشودوم
یوز به یوز اونلارا یانلیش گولوردوم
دردیمی گیزلتدیم اوشاقلاریمدان
باطن ده غصه دن من اؤزؤلوردؤم
...
بیر غملی باخارکن خانیما دئدیم
دور خانیم مرجیمک شورباسین گتیر
بیرآز دا (اون) وارمیش اونو وئر یاپیم
بایرامدیر اونو دا بیر شیرنی پیشیر
....
رمضان طبیلی سسه دوشموشدور
دئدیلر اوامایا داربی اولوبدور
دئدیم کی داربی نین قولو قانادی
منیم بختیم تکین کؤکده ن سولوبدور
علیرضا پوربزرگ وافی
2016/9/15
ترکیه
هیچ نظری موجود نیست:
ارسال یک نظر